هدية الحمد لله على السلامة

بعد ما يتعافى تصير الهدية تهنئة مو مواساة فاختر باقة بألوان مبهجة مثل الأصفر والبرتقالي والأبيض بدل الألوان الهادية اللي تناسب وقت المرض. وخل الكرت فيه تهنئة بالسلامة مع اسمك. ولو محتار في اللون شوف معاني ألوان الورد.

أول أيام بعد الخروج من المستشفى تكون في البيت والزوار ما ينقطعون فالفازة أنسب من الباقة لأنها توصل منسقة وتنحط في المجلس على طول. وما يلزم تعرف يوم خروجه لأنه هو أو أحد من أهله يختار اليوم والفترة من الرابط. ولو لسا في المستشفى شوف هدية لمريض.

بعد أيام التعب ما تدري هل يبي ورد يفرح المكان ولا حلا لزواره ولا نبتة تعيش عنده وهذي نوصلها في الرياض. حط له من 2 إلى 8 هدايا وهو يختار وحدة بدون ما يشوف الأسعار. ويحدد بنفسه اليوم اللي يكون فيه مرتاح في البيت.

لأمك أو أختك أو صديقتك بعد العملية فازة ناعمة جنب سريرها أو ورد مع شوكولاتة لزوارها. واختر الألوان الهادية وهي ترتاح والمبهجة أول ما تقوم بالسلامة. ولأفكار أكثر شوف أفكار هدايا نسائية.

الرجل بعد ما يتعافى يفرح بعطر من ماركته يتعطر فيه أول ما يرجع لدوامه أو أول جمعة يطلع لها. وللزوار اللي يجون يباركون له علبة شوكولاتة تنحط في مجلسه. ولأفكار أكثر شوف أفكار هدايا رجالية.

كثير من الأهل يسوون عزيمة بمناسبة سلامته ويجتمعون في البيت. أرسل كيك يتقدم مع القهوة واكتب تهنئتك في الكرت اللي يوصل مع الكيكة. وأرسله قبل العزيمة بيوم عشان يحدد أهله الوقت اللي يناسبهم.