أفكار مفاجأة تخرج
مفاجأة التخرج تكون في البيت يوم رجوعه من الحفل والعائلة تنتظره بالقهوة والتمر والحلا وباقة ورد وبالونات، وبعدها عشاء محجوز في جلسة خاصة أو قسم عوائل. ما تعرف وش يحب الخريج؟ خله يختار من 2 إلى 8 هدايا بدون ما يشوف الأسعار، ولو تبيها مفاجأة كاملة اختر أنت. ويقدر يحدد موقعه من رابط يوصله على واتساب حتى لو ما تعرف عنوانه، وشرحه في أرسل هدية بدون عنوان والتوصيل في الرياض وجدة.
حفلة تخرج في البيت يوم رجوعه
خل الأم أو الأخت ترتب المجلس قبل ما يرجع الخريج من الحفل، بالونات بألوان جامعته وباقة ورد على الطاولة والقهوة والتمر والحلا جاهزة للأهل. واطلب الورد قبل الحفل بيوم عشان يكون في البيت قبل رجعته. شوف هدايا التخرج.
احجز عشاء التخرج للعائلة
بعد الحفل احجز عشاء للعائلة في جلسة خاصة أو قسم عوائل، والحجز قبل بثلاث أيام يكفي في الأيام العادية أما في موسم التخرج فاحجز قبل بأسبوعين. في الرياض شوف خطوات حجز مطعم لمناسبة خاصة وتقدر تضيف الكيك والورد مع الحجز، أو احجز مكان العشاء مع ميلا مباشرة. والهدية توصل من هدية للبيت قبل العشاء أو بعده.
بالونات التخرج عند الباب
البالونات أول شي يشوفه الخريج إذا دخل البيت، وخلها بالأرقام أو بالحروف أو بلون جامعته. واطلبها قبل الحفل بيوم عشان تلحقون ترتبونها قبل رجعته. شوف البالونات.
مفاجأة تخرج لبنتك أو ولدك
البنت تفرح بجمعة الأهل والخالات في البيت والولد يفرح بجمعة الأهل أو جلسة مع أصحابه في الاستراحة، والهدية ورد مع شوكولاتة تتوزع على اللي يباركون. وخل الكرت من الأب والأم بدعوة طيبة للمستقبل. شوف عبارات تهنئة تخرج.
حفلة نجاح في البيت للصغار
نجاح الصغار يكفيه جمعة في البيت بعد النتائج مع كيك وبالونات وهدية صغيرة من الجد أو الخالة. خل الطفل يوزع الحلا على إخوانه ويحس إن اليوم يومه. ولأفكار الهدية حسب العمر شوف هدايا نجاح للأطفال.
ما تعرف وش يحتاج بعد التخرج؟ خله يختار
الخريج أدرى وش يحتاج في وظيفته الجديدة أو سنته الجاية، فاختر من 2 إلى 8 هدايا بميزانية وحدة وخله يختار اللي يبيه بدون ما يشوف الأسعار. يحدد المكان والوقت من رابط على واتساب، وتدفع نصف متوسطها الآن والباقي بعد اختياره. وتوصل هديته من اليوم التالي لاختياره فأرسل الخيارات قبل الحفل بيومين.
نصائح قبل ما ترسل
- ما تدري وش يناسب الخريج؟ رتب له عدة هدايا من ميزانية وحدة وهو ياخذ اللي يعجبه بدون ما يشوف أي سعر.
- اتفقوا على وقت الوصول في قروب العائلة بدون الخريج، وخلوا واحد بس يستقبله عند الباب.
- اكتبوا الكرت بدعوة طيبة وكلمة فخر، ولو تبون عبارات جاهزة شوفوا عبارات تهنئة نجاح.
- ولأفكار الهدية نفسها شوف أفكار هدايا تخرج.
أسئلة شائعة
كيف أسوي مفاجأة تخرج بسيطة؟
جمعة للعائلة في البيت مع القهوة والحلا وبالونات وباقة ورد تنتظره وكرت من أبوه وأمه. وبعدها عشاء محجوز في جلسة خاصة لو تبون تكملون الاحتفال.
وش أسوي في حفلة تخرج في البيت؟
رتبوا المجلس بالبالونات والورد، وجهزوا القهوة والتمر والحلا للأهل اللي بيجون يباركون. وخلوا الهدية آخر الجلسة عشان تكون هي المفاجأة.
متى أطلب ورد التخرج عشان يوصل قبل الحفل؟
اطلبه قبل الحفل بيوم وحدد وقت التوصيل اللي يناسبكم. والهدية الواحدة توصل في نفس اليوم لو حدد موقعه قبل 4 عصرا وتطلع في فترة المساء. بعض الهدايا تحتاج تجهيز أطول، ووقته مكتوب في صفحة كل هدية. أما لو خليته يختار فهديته توصل من اليوم التالي لاختياره.
أقدر أرسل هدية تخرج وأنا ما أعرف عنوانه؟
إيه. تكتب اسم الخريج وجواله ومدينته ويوصله رابط على واتساب يحدد منه موقعه ووقت التوصيل في الرياض وجدة.
